REIS E RAÍÑAS DA FROITA DO MES DE FEBREIRO

Cada día son máis os meniños que se animan a incluír unha peza ou dúas de froita na súa merenda. Mirade cantos conseguiron xa a súa coroa!

O RENO DE NOA E ANA

 

Mirade nas imaxes que chuliña queda a versión realizada por Ana e Noa do reno empregando pan de molde e queixiños mini babybel. Dúas excelentes cociñeiras. Grazas familia por compartir as fotografías connosco.  

O NIÑO DE PAXAROS DE ANA E NOA

Ana e Noa realizaron o niño de paxaros en plastilina. Mirade nas fotos que chuliño lle quedou. A continuación tedes imaxes de todo o proceso por se vos animades a facer esta bonita versión.

O NIÑO DE PAXAROS DE NOA

A nosa cociñeira Noa xa nos mandou as fotos co proceso de elaboración do niño de paxaros. Mirade nas imaxes que bonito e apetitoso lle quedou, dan ganas de comelo. Grazas Noa por compartir tan saboroso prato connosco.

O NIÑO DE PAXAROS

 

O 2 de febreiro di a tradición galega que é o día no que casan os paxariños. Nas nosas andainas ao redor da escola comprobamos como eles andan piando e rebuldeiros. Buscan parella coa que construír o niño onde criar os seus filliños. Dende a nosa escola quixemos unirnos a esta bonita tradición e celebralo cociñando un divertido niño de paxaros. Como o noso viaxeiro Fogg estivo en Italia, nada mellor que os saborosos espaguetes para crear a base coa que elaborar este divertido prato. Neste enlace tedes a receita que vos propoñemos.

ITALIA

 

O señor Fogg, na súa andaina ao redor do mundo, pasou por Italia e alí coñecemos a Befana. Unha bruxa boa que adoita deixar caramelos na Noite de Reis aos meniños italianos. Preparados para aprender a súa canción?

A TORRE EIFFEL DE NOA

Noa púxose mans a obra e mirade que ben lle saíu a Torre Eiffel. Ademais de cociñeira é unha estupenda arquitecta. Grazas Noa por compartir connosco as fotos de todo o proceso.

A TORRE EIFFEL

Como andamos a voltas con París, non podíamos deixar pasar a oportunidade de levar ás nosas propostas culinarias da fin de semana o seu monumento máis famoso. Neste enlace tedes a receita que levaron o nenos o venres para casa. Pero se referides unha opción máis saudable, facendo clic aquí accederes a unha versión con moras e framboesas.

E xa que andamos a voltas coa Torre Eiffel, deixámosvos esta bonita canción e a súa versión con xestos que compartiu connosco a mestra Marta de Ribadumia.

NOA, RAÍÑA DA FROITA DO MES DE XANEIRO

 

PARÍS

 

Dende a escola estamos a acompañar ao señor Fogg na súa viaxe ao redor do mundo. Aínda que ten que apurar se quere chegar a tempo ao seu destino, non podíamos deixar París sen ver este bonito vídeo.

O BICO DE PIZZA DE NOA

 

Noa tamén animouse a cociñar un bico de pizza e mandounos as fotos do proceso. Mirade que chuliño lle quedou!.

DÍA DA ILUSTRACIÓN