A TORTA MÁXICA

Moedas de chocolate, biscoito, galletas, pauciños de pan…  todos estes ricos ingredientes formaban parte do conto que Brais, coa axuda da súa nai, cociñou para nós a semana pasada. Graciñas á familia de Brais por preparar para nós esta deliciosa e máxica torta.

FÉLIX ESTÁ NO CARIBE

Sabémolo dende o luns que recibimos unha nova carta da nosa lebre viaxeira. O mesmiño ca nós, Félix estaba canso de tanto frío e mal tempo, así que decidiu marchar para O Caribe. Na súa misiva fala de cocos, golfiños, baleas… e, coma sempre, aproveitamos a nosa visita á biblioteca para buscar información ao respecto e comezar a montar un novo recuncho. ¡Benvidos a “O caribe”!.

PARA MERENDAR… ¡UN IGLÚ!

Esta foi a sorpresa que nos tiña preparada Rita a semana pasada para celebrar o día do seu santo. Un impresionante iglú de “mousse” de chocolate recuberto de nubes, situado nun riquísimo Polo Norte de biscoito con nata. Esquimós, un caribú, un oso e outros animais polares cos que xogamos ao rematar de merendar, completaban esta deliciosa torta. Graciñas á Rita e a súa familia por elaborar esta espectacular receita e compartila con nós.

VIAJE EN TREN

Este é o conto que Adrián cociñou para nós a semana pasada. ¡Como nos gustan os trens de biscoito cargados de lambetadas!... todo estaba delicioso: as rodas, a cheminea, as ventás… pero as vías de regaliz tiveron un éxito espectacular, non quedou ningunha. Graciñas á familia de Adríán por compartir con nós tan rica e divertida receita.

XOSÉ MARÍA DÍAZ CASTRO

Esta semana, a nosa visita á biblioteca, dedicámola a coñecer o único libro que escribiu Xosé María Díaz Castro, e a rematar as propostas do Equipo de Normalización Lingüística do noso centro. Trátase de “Nimbos”, a obra onde atopamos os poemas que vimos nas bolsas do supermercado e nos carteis que realizaron os nenos do CEIP Plurilingüe Lagostelle, gañadores do Concurso-Exposición Letras Galegas 2014.

GAÑADORES DO CONCURSO DO PARLAMENTO

Parabéns para os nenos de 1º de primaria do CEIP de Castrelo de Cambados,  foron os gañadores do concurso  "O Parlamento de Galicia contigo e polos teus dereitos" no que participamos en febreiro. Vímolo a semana pasada no xornal Diario de Arousa e aproveitamos a noticia para seguir traballando a numeración das páxinas e os nomes dos periódicos. 

ANIVERSARIO DE ANXO

FELIZ DÍA DA FAMILIA

Hoxe conmemórase o Día Internacional da Familia. O domingo pasado xa tivemos un adianto coa VI Feira da Familia que organizou o Concello de Ribadumia e na que moitos dos cativos da escola participaron. 

Na aula celebrámolo esta mañá coa lectura parcial do conto “Unha chea de familias”. Nel, a protagonista descobre coa axuda do seu papá, que no edificio viven familias moi diferentes, pero todas teñen en común o amor que une aos seus membros. E aproveitando o tema, a semana pasada estivemos coñecendo á de Frida kahlo a través de fotografías e dos retratos realizados pola artista.

HANSEL E GRETEL

Este é o conto que Alejandro cociñou para nós o luns. Un rico tellado de galletas con Lacasitos, paredes de delicioso biscoito e, o que máis gustou aos cativos, un gran valo de lambetadas rodeando a enorme e suculenta casiña. Graciñas á familia de Alejandro por compartir tan exquisita receita.

COMA UN RÍO

Este é o título do poema de Xosé María Díaz Castro que María atopou nunha bolsa do supermercado. Tróuxonolo  hoxe a clase para que o viramos. A mestra Marta axudounos a localizar na biblioteca o libro que temos deste autor, buscamos o verso e alí estaba o poema completo, a ver se encontramos más bolsas con poemas.

PREPARANDO O DÍA DAS LETAS GALEGAS

Este ano o Día das Letras Galegas está dedicado a Xosé María Díaz Castro. Baseándonos nos materiais elaborados pola coordinadora do equipo de normalización lingüística do noso centro, esta semana imos coñecer un pouquiño da vida e obra deste escritor galego. 

Hoxe comezamos a familiarizarnos co seu nome vendo un conto da súa traxectoria e, en informática, realizamos algunhas das actividades propostas polo Seminario Galán.  Se na casa tamén queredes facer as actividades podedes clicar na imaxe da esquerda e accederedes ao LIM.

MAIOS 2014

Un millón de bicos para o grupo Alecrín por vir un ano máis a cantar con nós e facer as delicias dos cativos. E graciñas a todas as familias e á comunidade educativa que, coa súa colaboración e axuda, fan posible esta festa.

PREPARANDO A FESTA DOS MAIOS

Por fin chegou o bo tempo e, para darlle a benvida á primavera, mañá realizaremos a nosa tradicional festa dos Maios. Parte de esta semana dedicámola a memorizar as cantigas, aprender os xogos, ensaiar as cancións, practicar os bailes…  e por suposto, buscar e recoñecer o fiúncho, elemento imprescindible para decorar o Maio. Esta tarde non vos esquezades de apañar moito para que mañá teñamos dabondo, e cantas máis flores mellor.

MENRENDANDO… DINOSAUROS

Xa probamos lobos, leóns, vacas, porcos, osos, serpes… pero onte Anxo demostrounos que os dinosauros recubertos de kiwi están exquisitos. Sabemos que lle deu moito traballiño realizalo pero o resultado foi espectacular e conto de pop up no que se inspirou gustounos a todos. Graciñas a Anxo e a súa mamá por cociñar para nós este saboroso dinosauro.

CONTOS DO POLO NORTE

Esta semana a hora de ler está dedicada aos contos do Polo Norte. Empezamos onte co “¡Porque te quero tanto!” e hoxe continuamos con “Agustina se muda al Polo Norte”. Mañá o encargado terá que decidir entre “Os mil brancos dos esquimós” e “Pequeño inuit”. O luns, na nosa visita semanal á biblioteca, vimos que editoriais son as que os publican e como temos que facer para localizalos nos andeis cando os queremos levar en empréstito para casa.

COCIÑANDO… ¡O ANTIGO EXIPTO!

O río Nilo cunhas beiras de kiwi e mazá riquísimas, un impresionante caiuco de biscoito navegando polas súas cálidas augas de nata, as pirámides, o deserto…  todo isto preparou Gabriel coa axuda da súa mamá e o seu irmán Roi para nós a semana pasada. Graciñas á familia de Gabriel por compartir os seus libros e cociñar esta espectacular torta.