FESTIVAL FIN DE CURSO 2016

Enredos e carreiras con pelotas, bolos e aros, xogos populares e tradicionais, circuítos con obstáculos e diverso material de psicomotricidade, un mural colectivo para desexarvos feliz verán, unha gran merendola, cancións, bailes, teatro, actuacións … o mércores pasado co noso tradicional festival dimos por rematado o curso escolar. Moitas grazas a todos.Volvemos en setembro. ¡¡Feliz verán!!

ANIVERSARIOS DE VERÁN

ANIMAIS DE ARAGÓN

Debido as diferentes actividades complementarias que estivemos desenvolvendo nas últimas semanas, tiñamos algo abandonado o noso proxecto de Aragón. O luns pasado retomamos o tema consultando o atlas de animais que nos regalara o ANPA para a biblioteca polo día do libro.

CONVIVENCIA 2016

Para que os alumnos coñezan o que será o seu futuro colexio e se familiaricen co transporte escolar, cada ano organizamos unha convivencia con todos os nenos de 6º de infantil no CPI  Julia Becerra Malvar.

Cando chegamos, as mestras dese centro tíñannos preparadas unha chea de actividades para que os meniños coñeceran os que serán os seus compañeiros e profesores o vindeiro curso. Xogos de presentación, visita á biblioteca escolar e outras instalacións da escola, contacontos, unha merenda compartida, clase de música, inglés, educación física … Ademais da emoción de ir no autobús escolar e ver aos amigos do ano pasado, no transcurso da mañá tivemos de todo, ¡ata unha medalla para levar para casa como agasallo!.  

FORO, LINO E DESI

Este curso estamos desenvolvendo na escola o Plan Proxecta: mobilidade segura e sostible. O seu obxectivo é favorecer a educación viaria e son varias as actividades que andamos a realizar. Unha delas é a lectura de contiños que teñen este tema como eixo central. Esta semana o protagonista foi o semáforo aproveitando o material que tíñamos na clase de campañas anteriores da DXT. Se na casa tamén queredes coñecer a Foro, Lino e Desi facede clic aquí.

IOGUR CON AMORODOS

REMATAMOS CON MANUEL MARÍA

Aínda que gozamos elixindo, lendo e ilustrando os textos de Manuel María, a semana pasada dimos por rematado o traballo ao seu redor co poema “O autobús”  que realizamos entre todos a proposta do equipo de biblioteca do centro. Cada clase elaborou un dos publicados en “Primavera das letras” e con todos decoramos a biblioteca do colexio para renderlle unha pequena homenaxe ao autor. Pero sen lugar a dúbidas o que máis gustou aos cativos foi representarse montándose nese velliño bus que na súa imaxinación lles leva á escola.