XOGANDO CO MILLO

Pouco a pouco imos descubrindo que, con ganas e imaxinación, son moitas as posibilidades lúdicas que ten este humilde cereal. Co follato e as barbas da espiga, Martiño e a súa mamá, fixeron a simpática boneca da imaxe. Na escola, con carozos estivemos levantando a torre do poema de Antonio Machado. Hoxe, no libriño Xoguetes e sons da natureza que temos na biblioteca de aula, vimos como facer un colar con grans de millo e un bailarete cun anaco de carozo. Seguro que vós tamén tedes múltiples propostas, se nolas enviades poderemos publicalas para aprender e divertirnos todos.