E CHEGAMOS AO TERCEIRO TRIMESTRE…

Cunha mañá chuviosa, con algo de sono entre os cativos e algunha baixa por culpa da varicela, comezamos o último trimestre deste curso. Agora que xa somos chicos maiores, son variadas as actividades que temos programadas para este traxecto final do ano académico, pero xa vos iremos contando pouco a pouco.

Como novidade, hoxe estreamos un novo recuncho con mesas na aula de psicomotricidade para poder dividir aos nenos en dous pequenos grupos de tarefas.

A partir de agora, as dúas últimas horas dos martes, rotativamente traballaremos a prensa coa mestra Ana e as notas e os alimentos para o obradoiro de cociña con Ángeles.
Un biquiño deses que curan para os enfermiños, esperamos que moi pronto poidades volver de novo á escola.