NO ENTROIDO: ORELLAS

Este típico doce de carnaval precisa para a súa elaboración as dúas cousas que máis lles gusta utilizar aos nenos cando cociñamos: a fariña e o rodillo. Levounos tempo facelas, manchamos moito e tivemos que empezar moi cedo, pero o pasaron tan ben que compensou o esforzo. Comezamos vendo os ingredientes e preparando a masa… ¡Que ben cheira o limón e o anís!... Cascar os ovos é emocionante e todos queren facelo, pero cando senten a clara nos dedos exclaman ¡que noxo!... Coa masa preparada ven o máis divertido: encher as mans de fariña e estendela co rodillo. Ao principio pegáselles, pero cando comprenden que a solución está en encher todo de fariña, amasan sen parar. Ás veces tanto que queda dura coma un croio. Ao acabar a masa, tocou recoller os utensilios e, mentres a mestra Ángeles as fritía no local social, coa profe Ana estivemos anotando os ingredientes da receita para animar ás familias a cociñar cos cativos na casa. Cando rematamos ¡a merendar orellas que chega o carnaval!.