¿CÓMO PLANTA USTED LAS FLORES?...

Coa man, os pés, o dedo, o pelo … calquera parte do corpo sirve para dicir neste xogo de roda, a única condición é non repetir a que xa dixo outro neno … É máis divertido cando o imos complicando e intentámolo coa orella, as costas, as cachas ou a barriga. O venres, como chovía, non puidemos xogar debaixo do carballo que é onde máis nos gusta, pero o fixemos no local social. As previsións para mañá volven a ser de choiva, a nosa saída a “Monte do Castro” terá que ser aprazada e o maio farémolo dentro. Non quedará tan lucido pero intentaremos pasalo ben realizando actividades diversas e xogos como este. Lembrádevos hoxe de aproveitar as raiolas para apañar fiúncho e flores, necesitámolas para mañá facer os colares e vestir o maio.
Para os que non saiban como é o ritmo deste xogo, aquí lle deixamos a música, nós cantamos outra versión pero é moi similar.