Cantos insectos descubrimos no libro “Los
insectos de mi jardin”!. Cada día, despregando as súas páxinas, imos vendo
e lendo curiosidades destes diminutos
seres. Paralelamente tamén imos aprendendo a observar e respectar a multitude
de bichiños que viven no xardín da nosa escola.
Noa tamén animouse a elaborar a proposta culinaria desta fin de semana. Mirade na foto que nos enviou que ben lle saíu a bolboreta.
No libriño “Reirrei”
que limos esta semana, descubrimos o seguinte recitado para saltar á corda.
Xa é venres e chega o momento da nosa proposta culinaria.
Seguimos coa temática dos insectos e tócalle quenda á bolboreta. Nós suxerimos
facela con pan de molde pero podedes facelas con froitas, filloas e ata
salchichas. Neste
enlace tedes moitas ideas, animádevos a facelas cos cativos. Se nos
enviades as fotos publicarémolas neste blog.
Onte entrou na aula unha bolboreta branca da col. Estivo pousada na ventá e puidemos observar as diferentes partes do seu corpo. Despois buscamos nos libros da biblioteca información sobre este insecto e vimos como é o seu ciclo vital. Nos vindeiros días seguiremos investigando.
Xa temos as fotos da xoaniña cociñada por Marta. Mirade nas imaxes que pinta tan saborosa ten e que ben lle quedou empregando como base unha tortiña de arroz.
