Zapatocas, a mascota da biblioteca, preparounos un
recuncho dedicado á artista Frida kalho. Onte, na nosa visita semanal,
estivemos vendo os libros que nos tiña seleccionados. Paseniño iremos léndoos e
aprendendo diferentes aspectos da súa vida e obra.
Xa temos outras dúas versións diferentes da proposta do
mono araña de Frida kahlo. Nesta ocasión Marta empregou unha galleta coma base
e Erik unha tortiña de millo. Mirade nas imaxes que chuliños quedaron.
Noa enviounos unhas bonitas fotos contándonos como xogara a atopar ovos de Pascua. Pareceunos unha excelente idea e decidimos imitala. Confeccionamos e decoramos ovos de papel. Despois, aproveitando o bo tempo da semana pasada, coa axuda da mestra Miriam e Ana xogamos a agochalos polo xardín. O máis divertido foi tentar atopar os que escondían os compañeiros.
Noa tamén cociñou xa o mono araña de Frida Kahlo. Mirade na foto que nos enviou que chuliño lle quedou.
María fixo a súa propia versión da receita do mono araña empregando unha filloa como base. Unha versión moito máis enxebre e nutritiva. Mirade na imaxe que ben lle quedou.
Esta semana a primavera tróuxonos un bonito agasallo. Á volta
das vacacións de Pascua, atopamos o xardín do parque da escola cuberto de
pampullos. Non puidemos resistirnos á tentación de apañalos e elaborar
pulseiras de flores.
